目錄

HKDSE ICT 2022 Paper 1 分析與點評

Willis WAN, Chun Yu | 2022-11-16

隨着攞到今屆嘅考評報告，2022 HKDSE 終於落下帷幕。十一二月，就係每年鑽研考評報告嘅時候！今次等 Willis 點評下今年嘅 ICT 試卷，睇下同學仔可以學到啲咩。

Paper 1A

今年嘅 Paper 1A 係近幾年以嚟比較難嘅一年。Willis 平時會將必修部分嘅所有課題分做 13 個單元，今年嘅 Paper 1A 係 4 個單元刷新咗最低正確率嘅記錄：「電腦硬件」、「基礎網頁編寫」、「算法測試」、「網絡保安」。可見 ICT Paper 1A 開始有越出越刁鑽嘅趨勢。不過係好事嚟嘅，好過 HKEAA 係 Paper 1B 嚟越出越刁鑽 😓。

另外，係失誤率較高題目入面，有好多都係嚟自單元 A Information Processing 資訊處理嘅題目，包括 Q1、Q3、Q5、Q11 同 Q20 。題目嘅主題包括咗 Parity Check 奇偶檢測、Data Control 數據控制、Encoding 編碼同 Character Coding System 字符編碼系統。Willis 估計由於呢啲題目通常都係中四嘅時候就教，對 DSE 考生可能「歷史久遠」。所以同學仔臨入考場記得溫多啲中四嘅 Topics ，另外依家中四嘅同學仔已經要努力啦，如果唔係幾年之後你就可能會唔記得晒呢啲 Topics ，失晒分架啦 🙈

精選題目分析

  • Q1：Parity Check 奇偶檢測
    • 以往 Parity Check 嘅題目都非常之直線球，都係邊個數據組無效。但係今年就要考生配對，邊 2 組數據係錯，同埋係用緊邊種 Parity Check，比以往深咗好多。
    • 同學仔可以試下咁諗： 首先假設佢係 Even Parity（偶數檢測），然後再去判斷有無任何一個情景係合理嘅。無嘅話，先再考慮 Odd Parity（奇數檢測）。咁樣同學仔就唔會諗到亂晒。
  • Q3：Data Control 數據控制
    • 好多同學仔係判斷選項 (2) 嘅時候，睇漏咗「error-free 無誤」呢個字眼。要記得，任何 Data Control 嘅手段只會減低錯誤嘅可能，唔可以確保係無錯誤嘅。所以睇題目真係要好小心，特別要諗佢句 description 同以往你學嘅時候有咩唔同。睇漏呢一點，隨時係 Lv 4 同 Lv 5 嘅分別。
  • Q5：Encoding 編碼
    • 一題好標準嘅 Encoding 嘅題目，但係呢個主題一直係同學仔嘅軟肋。同學仔係呢方面真係要操多啲。
    • 要答 Encoding 嘅題目其實有 4 個步驟，其中有 2 個比較重要：第一係要搵出我哋要 Encode 嘅物件有幾多件，第二係要有幾多個 bit 嚟表示呢啲物件。
    • 題目入面有 64 個黑白像素，所以要表示圖像嘅可能性有 2642^{64} 咁多個。所以要嘅 bit 數係 log⁡264log⁡2=64\frac{\log 2^{64}}{\log 2} = 64。
    • （呢一題有更簡單嘅諗法，但係唔熟嘅同學仔學下用上面嘅 2-step process 學下先，想學捷徑再 DM 我啦）
  • Q6：Information Lifecycle 資訊周期
    • 呢題有少少同學覺得比較難，因為入面嘅選項同課本入面嘅寫法唔同，所以二揀一嘅時候揀錯咗。
    • 所以，同學仔係學一個 topic 個陣，記得唔好死背書入面嘅內容，因為 HKEAA 無義務要跟住本書嚟出題目。ICT 想你學識去理解，而唔係死背。
  • Q8：Mail Merge 郵件合併
    • 比想像中多同學做錯呢題。Database File （即 Database Table 數據庫表）可以用作 Mail Merge 嘅數據來源。可能之後要用多幾次 Mail Merge 啦。
  • Q11：Character Coding System 字符編碼系統
    • 呢題確實係好 Tricky ，我估好多老師應該都無教過呢點，導致呢題嘅正確率得 25% 。
    • （3）唔啱嘅原因係，我哋用邊個數制其實同用唔用 Character Coding System 其實無關係。
  • Q14：Specification of Hardware 硬件的規格
    • 近年嘅 ICT 題目係咪規格嘅時候，好多時都係 check 下考生對常見硬件嘅規格熟唔熱悉。所以同學仔係讀硬件，特別係輸入輸出設備嘅時候，要花啲心機睇下依家買到嘅硬件有啲乜嘢規格啦。
  • Q20：Hard Disk 硬碟
    • ICT 史上正確率最低嘅題目（7%）。伏到咁多人（包括小弟）係因為，大家都以為呢題都係簡簡單單嘅 File Size Calculation 檔案大小計算嘅題目，所以好快就計到個答案出嚟。但係，呢一題就麻煩在，平時嘅計法會令到一個檔案儲存在兩個硬碟上，違反咗題目講「Without any file reorganisation and compression」嘅要求 😵
    • 所以呢題嘅正確做法係，要先計算一隻硬碟可以放幾多條影片（向下取整），之後再計 100 條片要幾多隻硬碟。
    • 無可否認，只係得好少同學仔答啱呢一題。我哋可以大方假設呢 7% 嘅同學仔都係憑實力答啱嘅（絕對唔係撞翻嚟嘅）。究竟對於答錯嘅 93% 同學仔，係咪就係話佢哋對 File Size Calculation 唔熟悉，或者佢哋對 Hard disk 唔夠熟書？無論如何，呢一題一定會被「擺上神枱」每年都要教同學仔去咁諗。但係，呢個係咪真係 ICT 想教嘅嘢？有邊個要同時間要儲 100 條 300 GB 嘅片？其實會唔會去 check 同學仔做到 File Size Calculation 已經好足夠？
  • Q21：Software and Hardware 軟件與硬件
  • Q24：Website Authoring 網站建構
    • 記得係考完 ICT 嘅個日，有好多同學仔都熱烈討論呢一題，討論點主要係（1）呢個選項啱唔啱，特別係佢應唔應該係設計網頁嘅階段去考慮（定係應該寫好咗之後先 optimise），同埋設計嘅時候可以做啲咩去縮短加載時間。
    • 其實，我哋係可以係設計網頁嘅時候考慮加載時間。例如，我哋可以考慮網頁內容嘅長度，同埋會用啲乜嘢 Multimedia Elements。
    • 有趣嘅係，考評報告對呢題嘅描述，係話同學仔「對寫網頁無足夠嘅經驗」。以往嘅題目一直無要求必修嘅同學仔對寫網頁有好多嘅經驗。究竟今年呢一題係咪示意緊必修嘅同學仔都要落多啲心機落去 Website Authoring 呢個題目上？可能我哋要睇多一兩年先知個趨勢。
  • Q28：Algorithm Design 算法設計
    • Willis 比較驚訝呢題得 27% 嘅同學仔答啱。
    • 呢題其實考緊 REPEAT…UNTIL Loop（重複⋯⋯直至循環）同 WHILE Loop（當循環）嘅關係，同埋識唔識用 De Morgan’s Law 笛摩根法則。呢2 個 topics 我係奪星實戰精讀課程特別有教到，因為好多 Algorithm Design 嘅題目都會考呢兩點。
  • Q35：Security Incident Response 保安事故回應
    • 呢題又係考完 ICT 之後好多同學仔討論嘅題目，甚至有唔少日校老師都覺得有懸念嘅一題，所以得 46% 同學仔答啱，Willis 覺得唔意外。但係，Willis 覺得呢題毫無懸念。
    • 正如一個人受咗傷，第一件事緊係止咗血先，唔好再失血啊嘛。明顯呢啲 Case 緊係斷咗網，唔好俾個勒索軟件感染同一網絡嘅其它電腦啊嘛。

如果同學仔對 Paper 1A 有其它問題，歡迎係 TG/Discord 留言講低，等 Willis 慢慢解俾你聽 🥰

Paper 1B

近幾年嘅 Paper 1B 都唔算特別嘅深，至少唔似較舊嘅 Pastpaper 會有啲佔分重但係 Marking 模稜兩可嘅題目。唔少題目考嘅知識點唔算深入，都係同預期考嘅差唔多。但係有一兩題，Willis 係覺得真係出得差，呢啲出得差嘅題目影響嘅 1-2 分，影響咗唔少同學仔嘅等級。所以，如果同學仔係想衝 5* - 5** 嘅話，要記得每個 Concepts 都要細致入微咁去學。因為高 Level 嘅容錯度本身已經唔高，你仲要預有一兩題嘅題目／Marking 會超出你預期。

精選題目分析

  • Q1(b)：Comparison of Hardware 硬件的比較
    • 如果要揀 Paper 1 入面出得最差嘅一題，呢一題一定排第一！因為呢一題要攞足滿分，一定要識讀心先至 Marking rule out 咗邊個答案。
    • 題目係咁講：「Peter will use his computer to edit and render videos（編輯及渲染影像）. Give two hardware components that he should consider, other than the CPU. Explain briefly.」有唔少 Lv 4-5** 嘅考生（包括 Willis）寫咗要考慮 Hard Disk 嘅儲存空間應該要夠大，咁先可以儲到影像嘅素材同最終嘅成品。
    • 但係，HKEAA 竟然唔接受呢個解釋。HKEAA 係報告入面話，呢個解釋「[is] irrelevant to the question on the process – ‘to edit and render videos’. Their answers focused wrongly on the outcome instead of the process.」
    • Willis 覺得呢一點對考生唔公平嘅原因有二：首先，題目嘅字面上無要求考生考慮係編輯、渲染過程對 Computational Power 運算效能有利嘅硬件部件。英文版嘅題目明顯使用咗 Future Tense 嚟形容 Peter 將會點樣用呢部電腦，係一項環境描述。題目字眼上並無要求考生針對電腦係編輯、渲染嘅過程上嘅運算效能呢個特定角度上去考慮有乜嘢硬件部件可以考慮。第二，如果一個人佢準備買一部電腦去 Cut 片，會唔會有人唔去考慮 Secondary Storage 嘅大小？你試下同佢講：「你粒 CPU GPU RAM 夠勁就得架啦！唔洗諗儲唔儲到 Editing Software、Editing Material 同 Final Product 啦！船到橋頭自然直啊嘛！」你覺得佢會唔會打你？
    • Lv 4-5** 有唔少考生都寫要考慮硬碟嘅儲存空間呢一點顯示，呢一題係分辨唔同程度嘅考生上成效參差。如果呢題原意係想檢查考生對電腦系統主要部件嘅認識，特別係有乜嘢部件會影響電腦嘅運算效能有主要影響時，條題目大可以寫做：「Give two hardware components that he should consider that will benefit the editing and rendering of videos, other than CPU.」咁樣，我相信大部分 Lv 5-5** 嘅考生都會睇得出 Hard Disk 嘅儲存空間唔會被接受。
    • HKEAA 同 HKEDB 應該要知道，正正係呢類離地嘅題目，令到同學仔對 ICT 呢科望而卻步。
  • Q1(c)(i)：Operating System 操作系統
    • 一題非常之直線球嘅題目，但係正確率都係偏低。Providing user interface 同 resource management 一類嘅答案可以話係老生常談，同學仔應該記多少少呢一個 topic 嘅論點啦！
  • Q1(c)(ii)：Internet Services – Cloud Storage 互聯網的服務——雲端儲存
    • 呢類型嘅好壞處嘅比較題都係同學仔較弱嘅一環。要記得：你嘅答案成唔成立取決於兩點：第一係你嘅答案係唔係基於事實（係唔係 Factually Correct），第二係你嘅答案有無正確咁指出兩者嘅差異點同論證點解佢係一個好處或者壞處。
    • 例如，呢題有唔少同學仔話 cloud storage 嘅 disadvantages 係「有security issue」。呢點 factually 係無錯嘅：你駁咗上 Internet 就自然增加咗被黑客入侵導致 Breach of Data Privacy （數據私隱外洩）或者 Loss of Data （數據損失）。但係，咁唔代表佢係一個 disadvantage，因為 portable hard disk可能都有相同問題：如果佢被人偷咗，佢都會發生 Loss of Data。呢個都係一個「security issues」。
    • 所以，比較型嘅題目，寫多永遠好過寫少。呢類型嘅題目，Willis 會咁樣教同學仔諗：先諗差異點，再論證好壞。咁樣就會更容易說服到 Marker 俾分你。
  • Q2(e)：Spreadsheet vs Database 試算表 vs 數據庫
  • Q3(c)：Domain Name System 域名系統
    • DNS 係咪必須安裝嘅問題，對上一次出已經係 2013 年。唔記得嘅同學仔可以記一記：用 IP Address 都可以訪問到一個網頁，或者我哋可以用 ISP 提供嘅 DNS ，所以我哋唔洗手動安裝。
  • Q3(d)：Firewall 防火牆
    • 2021 年 Firewall 嘅結構題只係問咗一個 Firewall 嘅用途（當年第二分要讀心先知點答），2022 年要寫到兩個用途係比較高難度。Willis 答呢題個陣都有啲手震，因為唔知 Marking 接唔接受第二個答案。好彩今年個 Marking 都算闊。
    • 唔熟嘅同學仔記得背翻兩三個用途：Inspecting and blocking packets、 prevent unauthorised access 同 prevent hacking。
  • Q4(b)：Chatbot 聊天機械人
    • 又一題令 Willis 火滾嘅題目。HKEAA 好應該解釋下，到底呢一題嚟自必修部分嘅邊個單元？連同 Paper 1A Q40 ，2022 年出咗 3 分係 Robot/Chatbot 呢類新興科技，但係喺舊制嘅 Syllabus 底下係無 expect 過同學仔識呢類課題。呢 3 分隨時影響你一個 Grade。如果係想出呢類嘅題目嘅，你咪寫得落去個 Syllabus 個度囉。你又無話俾同學仔知要識，又要考，咁呢題 Poor 好正常啊？又怪考生唔讀書？
  • Q5(f)：Comparison of Algorithm 算法的比較
    • 一題 2* 嘅題目。第 2 分點比基本上係睇 Marker 心情。其實 ICT 可唔可以淘汰呢類連 Marking 都模凌兩可嘅題型？
    • 呢一題 Willis 就係讀錯心，以為呢 2 分係要做到 2 個比較：兩個算法 Loop 嘅數量一致，同埋 ALG3 少咗句 IF 語句（1＋1）。點知原來呢題係 2* 嚟，要清楚講到 ALG3 少咗邊句 IF 語句。
    • Willis 學到，下次最穩陣嘅做法，係要寫低究竟第幾行邊個 Statement 唔見咗，所以個算法較好／較差。同埋呢啲問題如果知道係 2* 題嘅話，我就會開盡 Turbo 作文 Mode 咁寫架啦。鬼咩，又無 Marking。

今次寫到嚟呢度（原來已經 4000 幾字）🥲 多謝你哋肯睇晒。如果有題目唔明想聽 Willis 解釋嘅話，隨時搵我啦！

鐘意篇文嘅話，麻煩係下面個 IG Post 上面俾個 Like ❤️ 感謝感謝

更多內容