目錄

HKDSE ICT 2023 Paper 1 分析與點評

Willis WAN, Chun Yu | 2023-11-16

目錄

2023 年係 DSE ICT 舊制嘅尾二一年。係呢篇文章，Willis 會同大家睇下 Paper 1 入面嘅內容，睇下同學仔可以學到啲乜。

Paper 1A

相較於 2022 年，今年嘅 1A 卷就有翻啲「人性」。大部分課題，同學仔嘅正確率同預期差唔多。所以今年 Willis 收到好多同學仔反映，1A 卷攞到 38/39 分都攞唔到 5**。換句話講，同學仔記得唔好淨係操 1A，因為分水嶺係 Paper 1B 到。

單以 1A 卷嚟睇，同學仔答錯率最高嘅題目包括 Q3 Modes of Processing 處理模式、Q4 Overflow Error 上溢錯誤、Q12 Object Linking and Embedding 物件連接與嵌入、Q30 & 31 Iteration Structures 迭代結構。第 3、4、12 題都係通常係中四教嘅內容，反映同學仔依然要係入考場之前熟習中四嘅內容。另外，Q30、31 Programming 嘅題目繼續係同學仔嘅重災區 😓 所以同學仔要多啲溫溫呢啲內容啦。

Paper 1A 題目分析

  • Q1: Access Modes 存取模式 (57%)

    Direct Access 直接存取呢個課題應該唔算特別難，但係唔夠 6 成同學仔啱，Willis 真係小驚訝。Direct Access 可以降低 Seek Time 尋找時間，所以比 Sequential Access 順序存取更加常用，呢兩個同學仔應該要熟悉。可能同學仔就係 Kick 咗係 (1) 呢個選項到。Direct Access 係指我哋可以從任意位置開始讀取及編寫數據，所以係唔洗由頭開始寫嘅。

  • Q2: Encoding 編碼 (66%)

    一條典型 Encoding 嘅題目，甚至係必修數學科應該都會接觸到嘅題目。有 7 盞燈，每盞燈有 2 個可能性（開同關），所以總共有 272^7 個可能性。題目話唔計「所有劃都關掉」呢一個情況，就會淨翻 27−1=1272^7 - 1 = 127 個可能性。

    呢種 Encoding 嘅題目只會越嚟越常見。同學有困難嘅話，可以睇翻中六 8 月補底班去學翻。

  • Q3: Modes of Processing 處理模式 (37%)

    🫠 教咗幾年，講咗好多年，都仲係做錯

    Distributed Processing 分布式處理嘅一個重點，係必須透過一個網絡連接數台電腦，以分享一個任務。題目既然講明係無任何網絡連接， (1) 自然無可能係答案。

  • Q4: Overflow Error 上溢錯誤 (32%)

    可以話係 2023 年入面最辣嘅一條 MC 題目。主因應該唔難想像：好多年無考 Sign-and-magnitude 符號與值同 Ones’ Complement 一補碼啦。甚至我都聽過有日校直接唔教呢兩樣嘢，淨係教 Two’s Complement 二補碼。

    其實呢三種 Signed Integer 帶號整數嘅表示方法都有個特點，就係最左方嘅位元可以視為符號位元。如果記得 Overflow Error 嘅判斷方法：正加正出負／負加負出正嘅話，就好容易睇出三個方法都會導致 Overflow Error。呢個我哋同樣係中六 8 月補底班好詳細講過。

  • Q5: SQL (79%)

    見到呢題其實 Willis 有小小意外，因為 SQL 好少係 Paper 1 考點寫，通常係考點睇。不過好彩唔難：記得 WHERE 係用嚟篩選記錄、ORDER BY 攞嚟排次序、AND 係一個 Boolean Operator 布爾操作符，就應該好易揀到 A。

    要記得 HAVING 係用嚟篩選 Data Groups 數據組，要用 Aggregate Functions 集合函數先可以用架！

  • Q6: Algorithm Testing 算法測試 (91%)

    Test data set 數據測試組都出咗好多年，講真係 1A 嘅難度有限。判斷到 50 呢個 Value 係個 Boundary Case，就自然揀到 D 去測試所有分支。

  • Q7: Creation of Presentation 演示製作 (81%)

    我諗個問題係：「點解唔應該考慮？」😂

  • Q8: Spreadsheet Formulae 試算表公式 (57%)

    今年竟然出翻 String Functions，而唔係其它 Data Analysis 常用啲嘅 Functions，又係有少驚訝。好彩唔係考點用，都係考同學仔知唔知佢哋嘅作用。幸好 B 的 UPPER 算是挺明顯，不然就會發生上年 7% 的慘案了。

    但是這道題目可能對 2024 DSE 的考生是一個警示：下年可能會出現翻關於 String Manipulation 字串操控的題目。同學應該多多在這方面練習。這個題目可以在 Spreadsheet 試算表、Database 數據庫及 Programming 程式編寫中出現哦！

  • Q9: Mail Merge 郵件合併 (64%)

    Mail Merge 郵件合併係一個好難搞嘅題目，因為同學仔好難自己係屋企練呢一個課題，但係又要求同學仔要有實戰經驗。希望同學仔記得 A、B、C 分別就係 Mail Merge 嘅頭三個步驟 😂

  • Q10: Text File Formats 文字檔案格式 (68%)

    PDF vs DOCX 應該係其中一個最常見嘅題型，真係長出長有 🫠 (2) 同 (3) 同學仔應該意識到，PDF 同 DOCX 都做得到。所以 Answer 係 A 啦。

    但係 (1) 呢個選項都真係有啲爭議性。(1) 嘅最大問題是使用了「text format 文本格式」一詞。如果是使用了「layout 界面」會很合理，但是，如果單指文字上的格式，DOCX 應該也能保持的（DOCX 能做到 font embedding，也確實有不少同學反映看到 (1) 之後便刪去了）。希望 HKEAA 係出題目嘅時候更加謹慎，以免對同學不公。

  • Q11: Image File Formats 圖像檔案格式 (59%)

    少少直線球，問邊個檔案格式支持透明背景。如果答錯嘅同學仔，最好花多少少時間去讀下常見嘅多媒體檔案格式啦。

  • Q12: Object Linking and Embedding 物件連接與嵌入 (38%)

    正確率比 Willis 預期低。OLE 通常係喺兩種唔同類型嘅數據到用。由於 Pivot Table 樞紐分析表都係喺 Spreadsheet 試算表入面進行，咁就唔需要用到 OLE。

  • Q13: Character Coding System 字符編碼系統 (57%)

    比較意外嘅一題，因為 Unicode 統一碼可以支持英文同其它語言呢一點，應該係最明顯嘅答案（可能明顯到同學仔以為有伏吧！）但是，其餘的答案也有不合理的地方：

    • A：通常選擇使用哪個 Character Coding System 字符編碼系統，是由 Application Software 應用程式及 User 決定的。
    • B：Big-5 Code 大五碼也支援英文的！
    • D：編寫網頁時，我們可以透過 <meta charset="UTF-8" /> 這個 HTML 代碼來決定所使用的字符編碼系統。

  • Q14: Central Processing Unit (Specification) 中央處理器（規格）(55%)

    同學仔都仲係對 CPU 唔係太熟悉，其實又係有小小 Surprising，因為 1B 都出過幾次，個底比較弱嘅同學仔應該溫多少少啦。Number of Cores 核心數量係指 CPU 入面有幾多個 Processing Units 處理單位 (References 2021-1B-Q2(c) and Marking)。呢件事，同可以同時執行嘅程式數量係無關嘅。另外，如果你開過 Process Monitor 程序監察器睇過就知，一部分電腦閒閒地都過百甚至過千個 Process 行緊，點會得 16 個？

  • Q15: Network Devices 網絡設備 (73%)

    Network Interface Card 網絡界面卡嘅作用，應該唔係特別難。答錯嘅同學仔要花啲時間溫下書啦。

    順帶一提，呢一題本身好值得用嚟溫 Network Devices，因為淨低嘅 3 個選項分別對應另外 3 個你要學嘅 Network Devices。有時間不妨諗諗佢哋係乜。

  • Q16: Operating Systems 操作系統 (57%)

    呢一題真係好麻煩，好多教日校同補習嘅同工都答錯，仲要企硬話自己先啱。(1) 同 (2) 係 OS 嘅功能我諗無人會反對。但係，(3) 係唔係 OS 嘅功能，就令到好多人答錯。

    (3) 唔係 OS 嘅功能，原因主要有 2 個：

    1. 明顯地，Secondary Storage 輔助儲存器更能符合「永久儲存」嘅呢項描述。1A 卷向來都係選擇最合適嘅答案。
    2. 雖然儲存數據需要軟件的幫助，而確實地操作系統需要協助數據儲存係 Secondary Storage 入面，但係，OS 的功能便不是「永久儲存用戶的程式」而是「指示輔助儲存器永久儲存用戶的程式」。

    呢一題答啱嘅同學仔，一係就不假思索地選擇了正確嘅答案，一係就心水好清。至於 HKEAA 係邊種，就見仁見智啦 🙂

  • Q17: Output Devices (Display) 輸出設備（顯示器） (50%)

    Input and Output Devices 輸入及輸出設備呢一課，最 Kick 嘅部分，就係要記得唔同嘅設備有啲咩唔同嘅Specification 規格，同埋佢哋各自嘅意思。RPM 通常係用於指 Optical Disc Drive 光碟機及 Hard Disk 硬碟的可支持轉速。所以就唔會係 Projector 投影機嘅規格啦！

  • Q18: Hardware (Performance) 硬件（效能） (80%)

    唔算太難，同學仔只要意識到 Network Interface Card 網絡界面卡對 Computational Power 無太大影響就揀到正確嘅答案了。

  • Q19: Driver Programme 驅動程式 (71%)

    典型關於 Driver Programme 驅動程式嘅題目。要記得：所有 Peripheral Devices 周邊設備都需要 Driver Programme。有咗佢，OS 先識同佢溝通。至不過，OS 本身已經有一啲基本嘅 Driver Programmes 安裝好，費時你拮隻 Keyboard 落去都用唔到。

  • Q20: Communication Protocols 通訊協定 (60%)

    雖然係直線球問 HTTP 嘅用途，但係因為問法稍為新鮮，睇嚟同學仔唔係太熟。要記得 HTTP 全名 Hypertext Transfer Protocol 超文本傳輸協定。Hypertext 姐係 web page 網頁咁解，所以只有 C 是正確答案。

    呢題又係提醒 2024 DSE 嘅同學仔溫多少少 Communication Protocols 通訊協定呢一課。常見嘅協定，包括：HTTP、HTTPS、FTP、DNS、（TCP*、）IP、MAC，一定要熟悉佢哋嘅用途同埋幾時會用到。

    * TCP 理論上是 Out-syl 的，但係依前考過嘅 Data Packets 數據包，其實就係 TCP 嘅一部分功能。

  • Q21: Data Privacy 數據私隱 (61%)

    以 Data Privacy 數據私隱而言較低嘅準確率，因為 Cookies 曲奇本身係 Paper 1 入面比較少着墨，通常都係 Paper 2C 先會見到佢。Third-party cookies 第三方曲奇可以紀錄用戶幾時瀏覽咗邊啲網頁，對個人私隱會有所影響。其餘兩者都同 Cookies 無關。

  • Q22: Communication Protocols 通訊協定 (64%)

    又係呢種關於涉及邊啲 Communication Protocols 嘅題型。記得睇清楚題目係講「will probably be involved」，佢咁唔肯定嘅語氣，大家識點做啦 😏

    BTW 呢類題型，基本上都揀硬 IP 架啦（因為 DSE 無教過 IP 有咩替代方案），DNS 就要視乎題目有無講明話無用到 Domain Name 網域名稱。至於傳輸檔案，依家多數都係用 HTTP 架啦（反正 HKEAA 對 FTP 好反感 🤣）

  • Q23: Network Devices 網絡設備 (73%)

    連接網絡用嘅設備，我諗 Switch 交換器同 Router 路由器嘅分別，應該係必讀。Willis 亦都係呢個 IG Post 都解釋過佢哋嘅分別。見到呢一題上翻 7 字頭，Willis 倍感安慰（？

  • Q24: Communication Protocols 通訊協定 (68%)

    又問 Communication Protocols⋯⋯問咗 3 分啦⋯⋯

    不過呢一題，連同之前個 2 題，全部都係唔過 70%。Aim 5+ 同學仔，係時候花多少少時間係呢個 Topic 上。 IP 定址了設備所在的網絡 (即 1)，而 (2) 是 TCP 的責任。(3) 就視乎同學有沒有在 LAN 內使用 IP 的經驗了，應該要選到 D 的。

  • Q25: Domain Name System 網域名稱系統 (78%)

    DNS 嘅作用又係成日問，都唔洗多解釋。佢會由一個 Domain Name 網域名稱翻譯做一個 IP Address。

  • Q26: Transmission Media (Wired vs Wireless) 傳輸媒介（有線 vs 無線） (93%)

    呢一題正好說明，一條係 1B 卷好難嘅題目，去到 1A 可能係送分。（References 2021-1B-Q2(a)）

  • Q27: Result of Algorithm (Iteration Structure) 算法的結果（迭代結構） (83%)

    Dry-running 空運行嘅題目，第一步就係要劃 Dry-run Table 空運行表。之後關於算法結果嘅題目，你都會見到有個 Dry-run Table。自己對下，同我嘅 Dry-run Table 有咩分別啦。唔識畫 Dry-run Table 嘅同學仔，可以睇下呢條片。

    NN < 8Output 輸出
    2True*
    5True*
    8False

  • Q28: Result of Algorithm (Manipulation of One-dimensional Array) 算法的結果（一維陣列的操控） (77%)

    SiOutput 輸出
    00
    21
    42
    63
    84
    10510

    如果熟手嘅同學仔見到 S ← 0、FOR 循環同 S ← S + N[i] 呢三句，應該唔洗 Dry-run 都知道佢係做緊 Summation Over Array 加總陣列，咁就 10 秒鐘揀到答案啦！

  • Q29: Design of Algorithm (Converting Iteration Structure) 算法的設計（轉換迭代結構） (51%)

    呢一題其實考緊係唔同 Loops 循環之間嘅轉換。特別係呢一題就考點樣將一個 FOR 循環轉做一個 WHILE 循環。其實個做法係定死咗嘅：

    FOR i FROM A TO B DO
    <Loop Body 循環體>

    係等同於：

    i ← A

WHILE i <= B DO
   <Loop Body 循環體> 
   i ← i + 1

    對翻就會係 (2) and (3) only。呢種題型應該會更加常見，所以同學仔一個溫書嘅方向會係，點樣將你學過嘅 4 個 Loops 換嚟換去。例如，點樣將一個 REPEAT...UNTIL loop 轉做 DO...WHILE loop？咁樣，同學面對呢種題型就更加得心應手。

  • Q30: Result of Algorithm (Iteration Structure) 算法的結果（迭代結構） (38%)

    ABCOutput 輸出
    5117
    162
    21326

    呢一題有啲跌眼鏡喎 🥸 可能大家見到句 C ← 7 之後 FOR C FROM 2 TO 3 DO 會嚇親，以為個 Loop 唔洗行。仲記唔記得上題講點樣將個 FOR loop 變做 WHILE 啊？如果我哋試下照做，個 Loop 就會變成咁：

    C ← 7
C ← 2
WHILE C <= 3 DO
    B ← A + B
    C ← C + 1

    依家應該明點解個 Loop 要照行啦？😊

  • Q31: Result of Algorithm (Selection & Iteration Structure) 算法的結果（選擇及迭代結構） (41%)

    SiCHCH = ‘Y’Output 輸出
    01YTrue
    12NFalse’#‘
    23YTrue
    4NFalse’#‘
    35YTrue3

  • Q32: Design of Algorithm (Manipulation of One-dimensional Array) 算法的結果（一維陣列的操控） (71%)

    如果夠細心嘅話，WHILE i < N DO 及 i ← i + 1 實際上係一個 FOR loop 嚟。係個 Loop 入面，我哋檢查當前嘅元素 NUM[i] 係咪大過 A 呢個「皇位變量」。呢種「猜皇帝」嘅做法，證明佢係搵緊陣列 NUM 嘅最大值。

  • Q33: Problem-solving Procedures (Modularity) 解難程序（模組化） (59%)

    Modular Approach 模組方法上年都考過一次，當時正確率係 53%，今年嘅正確率相約。值得記得嘅係，Modular Approach 會將成個 Programme 分成唔同嘅 Modules。呢啲 Modules，例如係 Functions 同 Procedures，會方便我哋設計、重用同維護呢啲功能。佢唔會神奇哋令到個 Programme 行得快咗架！

  • Q34: Copyright of Software 軟件版權 (71%)

    唔算好難嘅 Open Source vs Freeware 嘅題目。記得 Open Source Software 我哋攞到 Source Code，基本上都會㨂到正確答案啦。

  • Q35: Data Privacy 數據私隱 (86%)

    唔算太困難嘅題目，畢竟每個人都用過 Social Media Platform 吧！Willis 只是驚訝這題的正確率不是 95%！小心啲睇題目啦！

  • Q36: Security Measures 保安措施 (90%)

    非常簡單嘅一道題目。知道 Adware 廣告程式唔係一個保安措施，而係一個保安風險就有分了。

  • Q37: Equity (Digital Divide) 平等（數碼隔閡） (78%)

    Digital Divide 數碼隔閡係指因為能否存取 ICT 而導致機會上嘅落差。記得呢一點，就會知 (3) 係不相關的。

  • Q38: Security Measures 保安措施 (69%)

    Secure Socket Layer 保安插口層嘅作用就係對通訊進行加密。 (3) 其實不太合理：網頁伺服器的 IP 位址通常不會隱藏，不然其他人就難以與這個網頁伺服器通訊了。

  • Q39: Copyright of Software 軟件版權 (81%)

    記得：Open Source Software 唔代表個 Software 嘅質素會差啲，但係 Commercial Software 可以提供更多 Technical Support。記得呢點都會答啱到呢一題。

  • Q40: Security Measures 保安措施 (79%)

    又係唔太困難嘅一題。Software Update 軟件更新可以修正 Security Loopholes 保安漏洞，呢一點應該算係常識吧。

如果同學仔對 Paper 1A 有其它問題，歡迎係 TG/Discord 留言講低，等 Willis 慢慢解俾你聽 🥰

Paper 1B

今年嘅 Paper 1B 題目大部分都睇落好易，但係實際係危機四伏。係討論 1B 嘅題目之前，Willis 想先講幾點同學仔一定要留意嘅點：

  • 好壞處源於分別。Paper 1B 有好多比較題，但係同學失分嘅題目往往未有正確咁使用比較意識。要記得：你講唔出兩者有咩分別，就講唔出其中一邊有咩好處。所以，係寫答案嘅時候，如果個分別唔清晰嘅話，就應該寫多一兩句，證明俾 Marker 睇你係知道兩者嘅分別。
  • 學習時多加思考。ICT 本身就有好多好類似嘅 Concepts：Bootstrap Programme 開機程式 vs Driver Programme 驅動程式、Register 寄存器 vs Cache Memory 快取記憶體 vs Flash Memory 快閃記憶體、Data Validation 數據有效性檢驗 vs Data Verification 數據校驗（數據驗證）。學習嘅時候感覺自己會撈亂個陣，就要記得問清楚，學翻好佢哋有咩分別。
  • 多想想考核方向。答問題個陣，最好先諗一諗個題係問緊邊個課題。比少少時間自己 Recall 下個課嘅一啲相關 Concepts，寫你最有信心嘅答案落去。可惜嘅係，好多時同學仔連問緊邊課都未知！
  • 硬技巧應多練習。Spreadsheet 試算表、Database 數據庫、Programming 程式編寫可以話係 Paper 1 嘅「硬技巧」。呢啲無得溫架啦，多啲操啦！

今年 Paper 1B 題型嘅分布都比較有趣（當然 HKEAA 會話自己跟啱比例啦）：

  • Unit A 接近 0 考 Word Processing 文書處理同 Presentation 演示（雖然係垃圾，但係之前都會做下樣出 1-2 分）。Encoding 編碼一如以往出咗 3 分左右，以 Binary System 二進制數系係 Computer Science 嘅重要性嚟講真係好少。Paper 1B 連少少 Multimedia 都無（呢點小 Surprise）
  • Unit B 考咗 0 分 CPU，夾埋 Paper 1A 都係考咗 1 分，比例上係小都核爆。無計，因為出咗條 Killer 係 Input and Output Devices 輸入與輸出設備。Operating System 操作系統也是 404 NOT FOUND。
  • Unit C 睇落好平均，但係 Paper 1B 考咗 4 分 Transmission Media 傳輸媒介相關嘅題目 🫠 傻的嗎？相對嘅，Internet Applications 互聯網應用比預期考少咗
  • Unit D 分數上差唔多，但係比預期難好多 🫠 呢個係下面會詳細講
  • Unit E 竟然無考 Ergonomics 人體工學！Equity 公平存取在 Paper 1A 也是 1 分！背了書的同學哭了！

今年嘅呢份卷「大細超」嘅問題有啲顯着，我諗令好多考生都有啲始料不及。所以同學仔都無得偷懶架啦，要攞到 5** 就一定要精通大部分嘅課題！2024 年嘅 DSE 考生可以考慮下集中火力溫下列題目：

  • Encoding 編碼，特別係 Character Coding System 字符編碼系統、
  • Multimedia File Formats 多媒體檔案格式、
  • Spreadsheet 試算表，特別係 Formulae 公式同 What-if Analysis 假設分析、
  • Central Processing Unit 中央處理器、
  • Main Memory 主記憶體，特別係 RAM 同 ROM 嘅分別、
  • Operating System 操作系統同 Application Software 應用軟件、
  • Communication Protocols 通訊協定、
  • Internet Applications and Activities 互聯網應用與活動、
  • Ergonomics 人體工學同 Computer-related Diseases 與電腦相關的疾病同
  • Security Threats and Controls 保安風險與措施。

Paper 1B 一向都係同學仔比較弱嘅部分，因為同學仔唔熟手嘅話，比較難掌握平時 DSE 嘅要求，自然判斷唔到自己嘅答案係啱定錯。如果同學仔做完 2023 年份卷，唔知自己啱唔啱嘅話，歡迎隨時 Send 份卷俾 Willis 睇睇！Willis 一得閒就會幫你改架啦！

Paper 1B 題目分析

  • Q1(a): Secondary Storage 輔助貯存

    Solid State Drive 固態硬碟同 Hard Disk 傳統硬碟嘅分別，我諗難唔到同學仔嘅！用電量較低、物理大小較小、重量較輕、更高數據傳輸速率等等嘅答案，同學應該倒背如流的。

  • Q1(b): Main Memory - RAM 主記憶體——RAM

    RAM 用於臨時儲存用戶程式同數據，應該難唔到同學仔。但係佢同電腦效能嘅關係性係咩，睇嚟同學仔就描述唔到啦。記得 RAM 作為主記憶體嘅重點係：我哋唔洗去好慢嘅 secondary storage 輔助貯存度攞數據。所以加大 RAM 的容量可以將更多將要用嘅數據放係快啲嘅 RAM 度。咁就可以減低存取所需數據嘅時間。

    如果同學仔其實識呢個 Concept ，但係表達唔到出嚟嘅話，不妨試下用溫習指南去訓練自己多啲表達唔同嘅 ICT 概念。雖然我哋係一科科技科，但係同學仔都要有一定嘅語言程度，先可以說服到 Marker 俾分你架。

  • Q1(c): Computer Software 電腦軟件

    典型嘅比較型題目，而且比較嘅事物（Web Application 網頁應用程式 vs Traditional, Installable Software 傳統、安裝型軟件）都唔係新鮮事。但係同學仔嘅表現似乎比預期差咗。

    其實同學仔要做嘅，就係執住啲字眼去諗分別就得。仔細啲睇，Method 1 用了「on a [web] browser 在［網絡］瀏覽器」一字，而 Method 2 用了「installs 安裝」一字。再諗深入啲，就會分晰到 Marking Scheme 上嘅答案。

    同樣地，(c)(ii) 嘅答案顯示同學對 Application Software 應用軟件嘅認識偏淺。好似之前嘅文章講過，Application Software 係安裝係 Operating System 操作系統之上，而操作系統會管理 Secondary Storage 輔助貯存之上。所以，Application Software 安裝會失敗，原因都會係到。

  • Q1(d)(i): Internet Applications - Search Engine 互聯網應用——搜尋器

    Search Engine 題目，除咗問點樣可以提升搜尋結果的相關性之外，就係問呢一題嘅點樣核實搜尋器嘅結果。有溫書／有常識表述到嘅，應該唔難。

  • Q1(d)(ii): Copyright 版權

    Copyright 成日都考，唔意外。但係同學仔經常會問：究竟 acknowledge the source 標記來源幾時可以係答案？

    同學仔要留意下情景：情景係一個專題研習。香港嘅版權法有「Fair Dealing 公平處理」嘅規則，有部分嘅行為會獲得豁免。所以如果使用呢啲有版權嘅物品，並且屬於可豁免嘅目的，就可以透過 Acknowledgement 達致公平處理。

    但係，題目嘅專題研習，算唔算可豁免嘅目的嚟？因為題目亦有講明係為「比賽」而做嘅一個研習，會否符合公平處理嘅目的嚟？可圈可點。就算你睇翻版權條例本身嘅條文，都係叫法庭自己諗翻。

    而就算係我哋唔睇法律條文，淨係睇 Past Paper 都好，2019-1B-Q2(b)(iii) 嘅 Marking 當年係唔接受 Quoting the Source 作為 Handling Relevant Copyright Issues 嘅方法。所以今年接受咗 Acknowledgement，其實係有啲 Surprising。

    Nonetheless，Willis 會覺得淨低個三個答案亦都好易記。所以 Willis 俾嘅建議係：唔好寫 Acknowledgement 作為處理版權嘅手段嘅答案。費事同 Marker 嘈啦，唔同真係同佢上 Court 嘈咩。

  • Q2(a): Spreadsheet - Formulae 試算表——公式

    簡簡單單的 IF() 用法，如果以後的題目都這麼簡單就好了！

    當然，要記得使用 $ 鎖定要鎖的儲存格參照！

  • Q2(b): Spreadsheet - Formulae 試算表——公式

    又係好簡單嘅題目，無太多要講！記得用 $ 同 * 就得！

  • Q2(c): Spreadsheet - Pivot Table 試算表——樞紐分析表

    Pivot Table 嘅題目，但係比 2017-1B-Q4(e) 嘅版本易咗。過咗咁多年，同學仔開始識做呢類型題目啦。記得 VALUES 值一欄係要指明，我哋想點樣 Summarise 啲數據。所以，我哋要用一個 Aggregate Functions 集合函數，例如係 SUM、AVERAGE、COUNT等等。

    如果想學多少少 Pivot Table，可以睇下我之前寫 2021 年 1A 卷嘅解釋。

  • Q2(d)(i): Database - Primary Key 數據庫——主關鍵碼

    搵 Primary Key 嘅題目，應該難唔到同學仔，甚至 Willis 都拍過片講過。記得要搵 Unique Combination 獨一組合性同 Not Null 非為空值，基本上就得答到 Paper 1B 嘅題目。但係最好就記埋淨低個兩個條件啦！

  • Q2(d)(ii): Database - SQL 數據庫——SQL

    同樣地唔算太深，都係預期之內。記得先執行 WHERE，排除唔符合條件嘅記錄先。之後再根據 GROUP BY 同 SELECT 起 Group 就搞掂。

  • Q2(e): Spreadsheet - Chart 試算表——圖表

    一題 3 分嘅題目，但係題目無足夠提示講明會點樣比呢 3 分，所以係典型嘅讀心題。但係萬幸嘅係，Chart 應該係同學熟悉嘅內容嚟，畫得仔細啲，用多啲 Chart 嘅功能（例如係 Axis Label 座標軸標籤 同 Data Label 數據標籤等）就會攞得足分。

  • Q3(a)(i): Programming - Swapping Variables 程式編寫——交換變量

    Programming 入面嘅 Variable Swapping 應該唔洗多講，真係每兩三年就考一次。用好個 Temporary Variable 臨時變量就可以了。

    但係 Q3 最有趣（或者話，最 Concerning）嘅一點，係題目嘅算法係一種 Array Sorting 陣列排列算法嚟。以往嘅講法係：由於 Array Sorting 通常涉及 Nested Loop 嵌套式循環嘅概念，所以一向都會視佢為 2D 而唔係 1B 嘅題目。今年 HKEAA 可以話係創在先河，強行將個 Nested Loop 出翻做單一循環。之後嘅題目，會唔會照用呢招加大難度呢？另外，Array 嘅其它操作，例如係 Binary Search 對分搜尋同 Parallel Array 平行陣列，會唔會都係考評局嘅「射程範圍」之內？我哋不得而知，只能夠學好陣列佢。

  • Q3(a)(ii): Programming - Dry-running 程式編寫——空運行

    都係個句，劃好 Dry-run Table 空運行表就可以了。都係鬥小心嘅題目。

  • Q3(b): Programming - Dry-running 程式編寫——空運行

    同樣地，劃好 Dry-run Table 就會數到行咗幾多次，做咗幾多次交換。順帶一提：呢題嘅算法其實有名的，叫做 Insertion Sort 插入排序。Willis 之前都寫過一篇文章，講過唔同嘅算法，有興趣嘅同學可以睇下。

  • Q3(c): Programming - Algorithm Design 程式編寫——算法設計

    一條唔算好深嘅題目，但係失分嘅同學仔主要都係解釋得唔夠好。記得重點係寫清晰個分別，亦即係 i 永遠都唔會係負數，咁就可以攞足分。詳略要得宜。

  • Q3(d): Programming - Algorithm Testing 程式編寫——算法測試

    呢題個表述寫得唔算太好，結果有少少讀心啦。我估有同學仔會誤以為 ① 揀 Data Sets ＋ ① 解釋，而唔係 Marking 所寫嘅 ① ✕ 2 Data Sets 及對應解釋。所以考評報告先會話同學仔「誤以為要寫唔揀第三個 Data Sets 嘅理由」。

    個主要原因係「Explain Briefly」呢個 Term 明顯係指 explain why this two sets amongst these three sets of test data. 咁有同學仔真確咁指出第三組有咩唔好（說明到第三組真係最差），所以優先揀另外兩組，又係咪真係一個唔合理嘅解釋？其實如果 HKEAA 出題目嘅時候小心啲，換一換個表述方法做「Choose two sets for testing the subprogram and explain the purpose of each set respectively.」我估大部分同學都會醒水。

    同樣嘅問題，Willis 已經指出上年嘅題目存在相同嘅問題。可惜嘅係，HKEAA 繼續待人以嚴，律己以寬。Willis 只能以上年的說法再此回應：「正正係呢類離地嘅題目，令到同學仔對 ICT 呢科望而卻步。」

  • Q4(a)(i): Transmission Media 傳輸媒介

    中文唔好寫錯字，英文唔好串錯字。講完。

    好耐無見呢種題型，係直線球中嘅直線球。識個名就得，兩個字：發達！

  • Q4(a)(ii): Network Devices 網絡設備

    呢一題就有深度好多，去檢查同學仔對 Network Devices 嘅認識夠唔夠深入，定係水過鴨背就算。Willis 之前都寫過文章解釋兩者嘅分別，所以同學仔要記熟佢哋啊。

  • Q4(b): Internet Activities - E-commerce 互聯網活動——電子商貿

    呢題確實有難度，係出得唔錯嘅題目，考驗同學仔係讀 E-commerce 嘅時候有無留心。做親呢類型題目，要諗到合理嘅好壞處，其實真係唔易，所以好多時係入考場之前就要先記得一啲重要論點。

    有趣嘅係，考評報告指出有唔少同學仔指出「無互聯網嘅情況下會用唔到網店」。呢個本身係一個合理嘅比較，但係 HKEAA 唔接受，表示係現今嘅世界入面，無互聯網連接係唔合乎常理。呢個位似乎係 HKEAA 嘅取態唔同在：2021-1B-Q3(c) 係問到 E-learning 電子學習對社會而言嘅一個限制時，就接受咗「人民不一定能容易地獲得互聯網嘅連接」呢個答案。呢度 HKEAA 算唔算搬咗龍門呢？可圈可點啦，始終呢一年係問「轉做網店嘅壞處」，咁「壞處」同「限制」又真係差少少。

    另一方面，同學通常會諗：究竟可唔可以寫「成本」作為優缺點。答案係：通常唔得，今次除外。因為電子商貿本身個目的就係賺錢，而賺錢其中一個 Consideration 係要降低成本，所以呢個位 HKEAA 通常都會接受。但係，為咗防止同學仔係咪都寫成本，HKEAA 通常只會係你講得出邊種成本升咗跌咗嘅情況下，先會接受你嘅答案。情形同 2020-1B-Q4(d) 有啲類似。

    仲有一點：「Computer Security 電腦保安」係保安嘅一種。所以如果你想比較 Security Risk 保安風險嘅話，就要比較埋現實世界上嘅風險。呢個就係點解我哋之前學過，Smart Card 智能卡可以用作門禁系統嘅原因。

  • Q4(c)(i): Security Threats and Controls - Secure Socket Layer 保安威脅與措施——保安插口層

    小小冷門，但係Willis 係 Snapask ICT 升級速效精讀課程已經解釋過，點解 SSL 需要有數碼證書，同埋數碼證書嘅作用係咩。

  • Q4(c)(ii): Security Threats and Controls - Public Key Encryption 保安威脅與措施——公開密碼匙加密

    呢個係讀 Asymmetric Key Encryption 非對稱密碼匙加密嘅時候一定讀過，要保障到訊息嘅 Confidentiality 保密性，就要用接收方嘅 Public Key 公開密碼匙進行加密，而接收方就用自己嘅 Private Key 私人密碼匙進行解密。想重溫嘅同學仔可以睇睇呢篇文。

  • Q4(d)(i): Data Control 數據控制

    應該唔算太困難嘅問題，見到「二進制數字嘅傳輸」，熟手嘅同學仔應該都會諗起 Parity Check 奇偶檢測。

    可能有同學仔就咁答咗「Validation Check 有效性檢查」。如果係你嘅話，就要多啲留意題目用嘅動詞，因為唔同嘅動詞，會影響我哋答案嘅詳練程度。

  • Q4(d)(ii): Encoding 編碼

    好正路嘅 Encoding 編碼嘅題目，都出咗好幾年。小心為上。

  • Q4(d)(iii): Encoding 編碼

    睇落好簡單嘅題目，實際只有 10% 嘅同學仔答啱，成為呢份卷其中一個 Killer！

    因為好多同學仔，包括今年攞 5** 嘅同學仔同埋 Willis 都係，諗住 2 bits 同 5 bits 做比較，就一定係先諗 Storage 儲存空間或者 Processing Efficiency 處理效能。點知個個一答 Storage 就出晒事⋯⋯明明係用多咗 Storage Space，但係大家見到個 2 字就諗住係細啲⋯⋯

    呢題我打算遲下再開 Post 講，因為佢涉及 RISC 同 CISC 呢兩個概念。有興趣嘅同學仔可以自己 Google 下。

  • Q5(a): Input and Output Devices - Automatic Input Devices 輸入及輸出設備——自動輸入設備

    成份卷第二條 Killer，應該大家都諗到腦爆，但係以考評報告嘅評論嚟睇，睇嚟 HKEAA 都收貨。做呢種題目都係個句：諗清楚個分別係邊度就得。

    同學仔只要諗得明，點解我哋嘅八達通係用 Smart Card 智能卡而唔係一張有 QR Code 嘅膠卡，就應該會答到頭兩 Parts。不過，同學最好就重溫下 Automatic Input Devices 呢個嘅課題。呢個課題入面，同學仔最好諗諗 Barcode 同 QR Code 嘅分別，同埋佢哋係用係咩情景之上。

  • Q5(b)(i): Modes of Processing 處理模式

    成批實時二㨂一，之前都經常會考，例如係 2018-1B-Q2(b)(i)。有操足卷嘅同學仔一定唔會陌生。只要記得 Batch Processing 成批處理嘅重點係要 Accumulate 累積工作，咁就會答得啱。

  • Q5(b)(ii): Data Transfer Rate 數據傳輸速率

    唔算特別深，但係同學仔成日唔記得係記 Data Transfer Rate 嘅時候，1 kbps=1000 bps1 \text{ kbps} = 1000 \text{ bps} 而唔係 10241024。所以唔可以用 Byte 嚟除的！一定要轉晒去做 Bit 先。

  • Q5(b)(iii): Transmission Media 傳輸媒介

    Wi-Fi 嘅問題，包括保安風險較高同會受到干擾，應該係讀 Wi-Fi 嘅時候有講過。希望同學仔仲記得。

    但係呢條題目其實真係好尷尬，因為題目無講明比較緊落乜嘢到。如果係比較緊 wired vs wireless，則一方面與 2023-1A-Q26 考核點重複，亦與題目中的情景有衝突（因為要遙距收集的話，個裝置無可能係有線的）。但係，與其它無線傳輸方式做比較時，則會是一題非常複雜嘅比較題，因為 Wi-Fi 比較常用，同學比較少做呢方面嘅比較（藍牙也會受到干擾啊）。

  • Q5(c): Streaming 串流

    (c)(i) 好多同學仔睇漏咗 sometimes 一詞啦（明明已經粗體咗），扣唔到落呢個字就會無分，所以記得要睇清楚題目，搵清楚 Keywords。

    (c)(ii) 相對地簡單好多，做啱比較講得出好處就可以了。

  • Q5(d): Security Threats and Controls - Phishing 保安威脅與措施——假冒詐騙

    最後呢題唔多講了，因為上年嘅 Mock Exam 完美 Tip 中呢一題，跟得 Willis 都會識的。

鐘意篇文嘅話，麻煩係下面個 IG Post 上面俾個 Like ❤️ 感謝感謝

更多內容